Crecín en Oímbra, unha pequena aldea na raia seca con Portugal. Agora vivo e estudo en Santiago de Compostela, aínda que penso tódolos días en volver á aldea. Sempre fun unha rapaza traballadora, creativa e moi apaixoada pola arte en tódalas súas formas. Na escola sempre tiven boas notas, e decidín que quería ser profesora de inglés. Cando cheguei a segundo de bacherelato, cursei Historia da Arte e namorei dela. Pero tamén quería contar historias, reais ou non, historias escondidas, necesarias, con sentimento, e que chegaran á xente, a través das palabras ou da imaxe, pola que tamén teño debilidade.