Laura Fernández Alonso naceu na Fonsagrada o 5 de xuño de 2001. Estudou Xornalismo na Universidade de Santiago de Compostela. Vinculada ao eido da comunicación corporativa, formou parte de Atalaya Comunicación y Publicidad, unha das empresas galegas líderes que traballa na estratexia comunicativa de corporacións con ampla relevancia no contexto estatal. Actualmente, traballa como asesora política e técnica de comunicación no gabinete de prensa do Concello de Lugo, onde toca todos os eidos do mundo do xornalismo: dende as tradicionais roldas de prensa ata as redes sociais máis actuais. O seu apego pola cultura galega e en galego reflíctese na súa ocupación como membro do equipo de O Faiado Podcast. Sempre ligada á súa terra natal, forma parte da A.C. Petapouco e a Destempo que organiza a Foliada da Fonsagrada, da que tamén xestiona a imaxe en redes sociais e na que exerce como encargada de Comunicación. Esta festa acaba de ser recoñecida recentemente co galardón a Mellor Festival de Galicia 2023 na última edición dos Premios Martin Códax da Música. Ese amor polo seu tamén a fixo formar parte da equipa do documental 360 curvas, un filme que trata da historia política da vila da Fonsagrada e que está actualmente en proceso de filmación.