Este Faiado non é o que se atopa na parte máis alta das nosas casas, non. Para subir ao noso faiado hai que escoitar todas as conversas que gardamos con moita ilusión para vós. Unha vez dentro, atoparedes un espazo, agardamos que acolledor, e unha das últimas incorporacións ao mundo dos podcast galegos (e en galego).
Somos oito rapazas que acabaron ou están a piques de rematar a súa carreira en xornalismo (e algunha que outra en comunicación audiovisual tamén). Queremos xerar un espazo de conversa e humor para a xeración Z galega. Queremos darlle visibilidade a creadores de contido e artistas galegos, pero tamén traer aos referentes de toda unha xeración (incluso de anteriores), falar dos temas que nos apaixoan e nos motivan dende un ángulo diferente e sempre con moita, moita naturalidade.
Facémolo en formato de podcast, pero tamén de vídeo, compartindo o noso contido por tódalas redes sociais. A nosa intención é xerar unha comunidade na que todes se sintan incluídes e a gusto para conversar e compartir a súa opinión.
Acceso ao proxecto:
Contacto: ofaiadopodcast@gmail.com
