En 2017 comecei a estudar Comunicación Audiovisual na USC, aspiración relacionada sempre dende un punto de vista máis fotográfico e plástico. Interésame sobre todo a fotografía analóxica, o documental, o videoensaio, o deseño gráfico e o cine. Despois de graduarme, e inspirada polas ganas de seguir creando, estudei Xoiaría Artística na Escola de Arte de Mestre Mateo, e actualmente intento facer unha síntese co aprendido nestas dúas especialidades a través da creación dunha marca de xoias artesás. Ademais disto, a docencia foi algo que sempre me chamou a atención, polo que agora mesmo me atopo estudando o máster de profesorado especializado en artes plásticas e visuais.