‘Anatomía dunha rondalla’ é unha reportaxe multimedia que explora o fenómeno das rondallas, agrupacións musicais populares exclusivas do sur da provincia de Pontevedra e propias do Nadal. O proxecto combina testemuñas, documentación histórica e contido audiovisual para poñer en valor unha tradición profundamente enraizada pero case descoñecida fóra da súa contorna e con escasa presenza mediática.
Estímase que chegaron a existir unhas 60 rondallas en máis de 40 parroquias, converténdose nun fenómeno cultural único. Con este traballo preténdese contribuír á súa visibilización e á preservación dun patrimonio inmaterial vivo pero insuficientemente recoñecido.
