Sendo cada vez máis numeroso o número de persoas que chegan a Galicia en busca dun mellor futuro, parece de especial relevancia poder crear un espazo seguro onde emigrantes e inmigrantes poidan atopar apoio e relacionarse entre eles, contando as súas historias a través de entrevistas que realizou o equipo creativo deste proxecto. A través deste documental interactivo e audiovisual preténdese non só chegar á xente directamente relacionada con esta realidade, senón tamén sensibilizar ao resto da sociedade da situación e o contexto que rodea aos migrantes.
Como parte do noso Traballo de Fin de Grao, no cal se analizaron todos os pasos que se deben dar para poder chegar a crear un proxecto transmedia, programamos un espazo web (https://idaevoltatfg.web.app) onde reunimos estas historias e entrevistas, que se complementan entre elas e mostran distintos puntos de vista da emigración.
