Proxecto transmedia de ficción, construído arredor dun mesmo universo narrativo e desenvolvido a través de tres formatos diferentes.
Storyline:
Na era paleozoica, as galiñas espaciais e os dinosauros vivían xuntos no planeta P.ïO, un mundo dominado e destruído polas propias galiñas como especie intelixente. Para mellorar esta situación, as galiñas espaciais decidiron enviar os dinosauros á Terra, onde poderían prosperar. Séculos despois, os dinosauros están extinguidos e as galiñas son o seu último vestixio. Enfadadas polo trato que reciben dos humanos, deciden vingarse enviando cinco maldicións á Terra, agochadas nunha galiña de cerámica. Para facerlles fronte, escollen a tres persoas correntes, que son trasladadas a P.ïO e deberán descubrir o motivo das maldicións. Se conseguen resolver polo menos tres, salvarán a humanidade.
Para conseguilo, 17 pezas audiovisuais, que conforman tres series en tres formatos distintos, constrúen un único universo narrativo, explicando a mesma realidade desde perspectivas diferentes:
-
- A macrostory corresponde á serie de ficcións sonoras, formada por 6 episodios, onde seguimos estes tres humanos e descubrimos a súa vida e fazañas no planeta P.ïO.
- A partir desta historia desenvólvense 5 curtametraxes de ficción, que constitúen a webserie. Nela móstrase o que ocorre na Terra mentres os protagonistas están ausentes: persoas completamente alleas ao conflito enfróntanse ás consecuencias das maldicións sen saber que está a pasar nin por que, construíndo así unha perspectiva diferente da historia.
- Por último, as 6 pezas de animación vertical para redes funcionan como unha serie de informativos emitidos desde o planeta das galiñas espaciais. A través delas coñecemos a súa historia, os seus motivos para vingarse e a súa propia visión do conflito.
Este é un exemplo do potencial educativo e social que teñen as narrativas transmedia. Cada serie achega unha parte da información e permite ao espectador relacionar esas perspectivas para construír unha visión máis completa e obxectiva do conflito.
Páxina web vertebradora (contén a webserie): gallinasespaciales.com
Ficcións sonoras: Salida 157 en Spotify
Reels de animación: Cadena P.ïO
