Rebelico Revista preséntase como unha revista online de cultura tradicional galega. Este novo medio nativo dixital, que conta cunha páxina web e perfís en diferentes redes sociais, nace para reivindicar a importancia da cultura tradicional de Galicia e para tentar sacala do esquecemento que vive nos medios de comunicación de información xeral. A especialización é a vía para facer chegar á cidadanía unha información máis precisa e completa.
A música ou o baile tradicional son as partes máis coñecidas deste eido, representadas actualmente por multitude de asociacións culturais e folclóricas por toda Galicia, pero neste medio tamén se dá cabida ao resto de asuntos vinculados á nosa cultura tradicional como a gastronomía, a literatura, a arte, os costumes, etc.
Non existe outro medio de comunicación de características similares en Galicia. Por tanto, coa súa creación téntase suplir as carencias de información neste eido e aproveitar as oportunidades de mercado dun sector en auxe e con cada vez máis afeccionados. Decidiuse desenvolver este proxecto no ámbito dixital porque é o espazo onde se están a producir as principais innovacións xornalísticas e tecnolóxicas, pero tamén da sociedade en xeral.
Contacto: rebelicorevista@gmail.com
